|
Uriaren jatorri diren
Bilboko Zazpi Kaleetan merkatari tradizioak iraun egiten du
historian zehar. XIV. mende hasieran hemen finkatutako itsasgizon
eta merkatariak, bizkaitar ontzigintzak Bordele, Sevilla eta
Brujasko portuekin XVI. mendean izandako harremanak, XVIII. mendean
izandako merkataritza hedapena. Horiei guztiei erreparatu behar
diegu bertoko merkataritzaren garapena ulertu ahal izateko.
Hurbilago
ditugu XIX. mendean hemen finkatutako merkataritza guneak; izan ere,
horietako batzuek bizirik diraute oraindik ere. XX. mendearen 50eko
hamarkadan Bilbo osorako, Bizkaia, Gipuzkoa, Araba, Burgos eta
Kantabriako herri mugakideentzako benetako zerbitzu gunea egina zen.
Bilboko Zazpi Kaleak gaur egun Europako merkataritza gune ireki
handienetarikoa da; gainera, bertan biltzen dira hainbat kultur gune
(museoak, liburutegia, etab...), 800 denda, 200 jatetxe-taberna eta
Europako udal merkatu estalirik handia. Hori guztia oinezkoentzako
inguru atsegin batean; aisialdiaz gozatzeko leku paregabea.
|
 |
